Mediterraniu in puesia, u 25 di sittembre, à 6 ore, piazza Miot in Aiacciu


Invitu fattu à u publicu di cunnosce megliu a puesia di u Mediterraniu, d’impatrunisce si d’un imaginariu pueticu è literariu propriu à una geugraffia, à territoriiè di scopre ne e culture ; seranu presenti Ghjacumu Thiers (pueta, scrivanu, crunistu, dramaturgu), Patriziu Croce (pueta, cantadore), Antone Ciosi (cantadore, cuntadore, pueta), Anna Aguilar-Amat (pueta è scrivana catalana), Silvan Chabaud (pueta è cantadore occitanicu), Adrian Grima (pueta è scrivanu maltese).






Ghjacumu Thiers

Agregatu di lettere classiche è prufessore à l'Università di Corsica, Ghjacumu Thiers hè u direttre di u Centru Culturale universitariu. Presente dapoi a sbucciata di a leva di u settanta, hè una persunalità forte di u riacquistu, muvimentu culturale è literariu in pettu di u quale s’hè illustatu in quantu pueta, dramaturgu, crunistu è rumanzieru.
 




Patricu Croce (à diritta) cù Andria Nobili



Fundadore di i Chjami Aghjalesi, cantadore di Canta u Populu Corsu,  Patriziu Croce hè prufessore di corsu. Hè un’autore cumpusitore prolissu chì hà cantatu a mimoria è a tradizione isulane tuttu in participendu per i so scritti à a rinascita culturale indiata dapoi l’annate 70 ; da l'indiatura pulitica passendu per una descrizzione di u quotidianu è di l’universale.



Anna Aquilar-Amat

Pueta catalana, traduttrice, prufessore di l’Università è circadore in linguistica, scrive principalmente in catalanu è e so puesie solu in catalanu. A so opera puetica si ritrova in varie antulugie di a puesia catalana è hè stata tradutta in arabu, inglese, finese, francese, spagnolu è altre. Hè stata intrudutta in e nove Antulugie di i pueti aurupei editatu da Wayne Miller & Kevin Prufer (Greywolf Press, 2008).

Mediterraniu in puesia, u 25 di sittembre, à 6 ore, piazza Miot in Aiacciu



Antone Ciosi



Passione di u cantu, passione per u sempre, passione unica, eccu u segnu fattu, durente una vita sana, da Antone Ciosi in una carriera artistica cumminciata cù u primu festivale di a canzona corsa è chì inaugura u successu liminariu « Paese spentu ». Successu chì anderà criscendu fine à l’ultime produzzione « Tempi d’amore ». Ci presenterà e puesie corse di a so scelta è pezzi di u so libru discu "Una mamma".
 



Adrian Grima



Militante, scrivanu, pueta, stu prufessore di literatura maltese hè un spezialistu di a metafora è di a presenza di u Mediterraniu in a literatura maltese, dui sugetti ch’ellu insegna à a Faculta d’Arte di La Valette. Hè statu numatu Presidente di u Cumitatu tennicu per a literatura da u Cunsigliu Naziunale è hà supranatu l’organizazione di u primu Festivale Internaziunale di u rumanzu.


Silvan Chabaud


Duttore in studii occitani, pueta, musichente prufessiunale cù u gruppu  Mauresca. A so prima racolta di puemi  Leis Illas infinidas (L’Isule infinite) editata in u 2012 à l’edizione Jorn. Hà sceltu a simplicità : puemi corti, un lessicu simplice è trasparente, una lisibilità spuntanea, nisuna andatura teatrale ne impustura puetica.
 

Ritruvate u prugramma cumplettu quì.



CULLETTIVITÀ DI CORSICA - COLLECTIVITÉ DE CORSE
DGA chargée de l’éducation, de l’enseignement, de la formation et de la langue corse

Direzzione Lingua corsa - Direction Langue corse
33 cours Napoléon - 20000 Aiacciu
5 avenue Xavier Luciani - 20250 Corti
Espace Toga 2 - 10 bis rue Emile Sari - 20200 Bastia

linguacorsa@isula.corsica
Difusione sucetale : 04 95 51 66 06
Furmazione è insignamentu : 04 20 03 95 01
Cunsigliu linguisticu : 04 20 03 95 03