Direzzione di a lingua corsa











Fà una dumanda d'adesione à a Cartula di a Lingua Corsa in linea !

Favurisce l'usu è incresce a visibilità di a lingua corsa in a vita suciale è u spaziu publicu hè un scopu maiò di a Cullettività di Corsica. Leia suciale impurtante, richezza patrimuniale è rizorza di u sviluppu di a Corsica, a lingua corsa face l'ughjettu di un'attenzione particulare è si scrive in un pianu pà a nurmalizazione è u prugressu versu una sucetà bislingua, u Pianu Lingua 2020 vutatu à l'unanimità da l'Assemblea di Corsica. Tandu, a Cullettività incuragisce l'attori isulani arrechendu un sustegnu à l'iniziative chì sò à prò di a sparghjera di a lingua corsa in ogni duminiu di u nostru campà.

Unu di l'arnesi pruposti da a Cullettività pà favurisce a difusione sucetale di a lingua corsa hè a "Cartula di a Lingua Corsa".

Sta Cartula risponde à a vuluntà di prumove l'usu cutidianu di a lingua corsa in ogni settore d'attività è di mubilizà l'attori suciali ch'elli sianu publichi, privati o assuciativi, arrechendu un'aiutu à l'azzione messe in opara à favore di a lingua corsa.

Firmendula, l'urganisimi participeghjanu à a mossa cullettiva chì dà à a lingua tutta a so piazza in core di a sucetà.

Pà fà una dumanda d'adesione à a Cartula, basta à risponde à st'unipochi di quistione !