Prima tappa di e cunsultazione lanciate da a cummissione "Lingua corsa in i media"

U venderi, 15 di ferraghju i socii di a cummissione "Lingua corsa in i media", preseduta da u Sgiò Antoine Orsini, si sò adduniti, in Corti, salla Simon'Ghjuvanni Vinciguerra per una cunsultazione nantu à u statu di a situazione di u corsu in i media publichi isulani.Sta reunione di cunsultazione s'hè fatta in presenza di u  Sgiò Hervé de Haro, Direttore regiunale di Radio France Bleu RCFM, di u Sgiò Jean Emanuel Casalta, Direttore di i prugrammi di FR3 Via Stella, di u Sgiò Ghjuvan Paulu Luciani, Direttore di i prugrammi di RCFM è di u Sgiò Nicolas Gianonni, Sottudirettore di FR3 Via Stella è ciò affinche di stabilisce u statu di a situazione di a lingua corsa in i dui media publichi isulani.Sti bilancii ci anu da permette, al di là di l'analisi qualitativi è quantitativi, di mette in piazza seminarii di travagliu per definisce pruposte  tantu à u livellu puliticu in direzzione di l'eletti di l'Assemblea di Corsica chè a u livellu di i media.