Menu

"Creendu l'Assemblea di a Giuventù, emu principiatu à cambià e cose"


Discours du Président de l'Assemblée de Corse, Jean-Guy Talamoni, à l'occasion de la dernière séance publique de la première mandature de l'Assemblea di a Giuventù



Care culleghe, cari culleghi,
 
Eccu ci adduniti oghje pè l’ultima sessione di sta prima mandatura di l’Assemblea di a Giuventù. Mentre a prima sessione, ind’è st’emicicliu, vi facia parte di e mo spere in quant’à ‘ssa sperienza nova. Dui anni dopu, aldilà di vede le suddisfatte e mo spere sò ancu più forte. Longu à sti dui anni avete fattu prova di qualità pulitiche grande assai è d’una capacità di travagliu è di reflessione à l’altura di a missione chì era a vostra : esse u portavoce di a giuventù corsa. Tandu, mi dicerete, certi dubbiteghjanu sempre di st’Assemblea, di e so capacità, di a so efficacità, è pò esse ancu di a so sincerità. Truverete sempre nantu à a vostra strada ghjenti chì dubbiteghjanu. È, sè vò cuntinuate à impegnà vi in pulitica, una di e vostre missione serà di cunvince li chì a pulitica hè un’attività utule, nobile è di sguassà u scartu trà i citadini è a pulitica. Ghjè ciò chè vo avete principiatu à fà in sta prima mandatura.
 

Pò esse chì c’hè quì, frà voi, cunsiglieri chì dubbiteghjanu ch’elli sò utuli i so travaglii o ancu di a vulintà vera di certi eletti di sustene è d’accumpagnà st’ Assemblea di a Giuventù.
Per contu meiu, ùn aghju nisun’ dubbitu. Ùn dubbiteghju di st’Assemblea. À u cuntrariu, ci credu più chè mai in l’Assemblea di a Giuventù. Oghje chì e rumpiture trà i citatini è a pulitica sò sempre più grande, noi, simu ghjunti à creà una lea, un spaziu di travagliu è di scambiu.
L’ambizione ch’avia per st’Assemblea dui anni fà sò sempre e listesse. E purtemu oghje cù di più forza postu chè vo avete fattu a prova di u putenziale di a giuventù è testimuniatu chè vo site una vera risorsa.
Innò, ùn dubbiteghju micca di st’Assemblea è vi vogliu rinnuvà oghje tutta a mo cunfidenza. Vi vogliu torna dì a mo vuluntà sincera di sustene vi è d’accumpagnà vi u megliu pussibile.
 
Sicura chì, mentre sti primi dui anni, avemu scontru difficultà tenniche o amministrative. Avemu ancu circatu à pasponi certe volte. Tutti emu custatatu è rigrettatu i mezi stretti è e mancanze d’un sistema ch`ùn era prontu à una nuvità simile.
Perchè chì creendu l’Assemblea di a Giuventù, fendu la campà, inseme avemu innuvatu da veru. Emu principiatu à cambià e cose. È, a sapete, in ogni cambiamentu c’hè una parte d’inchietudine. Per ogni sucietà, hè certe volte più rassicurante di stà in una forma d’abitutine, di mantene un equilibriu, ancu puru s’ellu hè pocu cunfurtevule è s’ellu ùn cunvene tantu, invece di circà à cambià. Pocu fà, quì stessu, in st’emicicliu, parechji averebbenu mughjatu ùn sia chè à l’evucazione di a creazione di un’Assemblea di giovani. Certi a fideghjanu sempre incù suspettu ma adimettenu pocu à pocu chì a giuventù ùn raprisenta micca un periculu ma una vera risorsa.
Quessa tenite la à mente ogni volta chè vo averete dubbiti. Simu partuti da assai assai luntanu. Franchendu ‘ssu primu passu, sicuramente u più difficiule, avemu principiatu à mutà l’usi, è à cambià e mentalità. Hè sempre longa a strada. Ma amparemu d’ogni passu chè no femu. Cuntinueremu à migliurà ci è, ne sò cunvintu, da quì à qualchì annu, seremu fieri d’avè datu un fundale cusì sodu à st’Assemblea di a Giuventù.
 

Candidatez pour la seconde mandature

La seconde mandature de l'Assemblea di a Giuventù débutera en avril 2019. 
Pour y participer : https://www.isula.corsica/agiuventu/Rejoignez-l-Assemblea-di-a-Giuventu-_a26.html 

              


Dans la même rubrique :
< >

Mercredi 27 Mars 2024 - 10:06 Réunion des commissions organiques

Mercredi 13 Avril 2022 - 12:31 A Cummissioni permanenti - 2021/2023

Prisintazioni | Cumpusizioni | Seduti | Cummissioni | Documenti regulamentarii | Actualités | Ritratti / Filmetti | Spaziu Stampa | Attualità di i cumissioni




Cullettività di Corsica
22, cours Grandval
BP 215
20187 Aiacciu cedex 1

Tel : 04 95 20 25 25
Fax : 04 95 51 64 60
Courriel : contact@isula.corsica