Care culleghe, cari culleghi,
Per principià, à nome di st’assemblea, dui ghjorni dopu à u passagiu di Adrian, vogliu addirizzà i nostri ringraziamenti è e nostre felicitazione à tutti i servizii di succorsu chì anu travagliatu durante à timpesta. Grazie à elli, i disguasti ùn sò guasi chè materiali.
Vogliu salutà dinù u travagliu di i giurnalisti nanzu, durante è dopu u tempurale è quellu di i servizii di a nostra cullettività per infurmà è assicurà, frà altru, a securità nant’à e strade.
Seraghju cortu chì l’ordine di u ghjornu hè riccu assai. Ma ghjustu qualchì parolla pè vultà nant’à i sugetti di sta sessione.
U scontru à vene cù a Prefetta prima.
A sapete, m’hè parsu interessante di dumandà à a Prefetta di Corsica di vene in l’emiciculu à presentà à l’eletti un resu contu di l’azzione di i so servizii. Stu resu contu hè privistu ind’è a lege ma, postu chì l’Assemblea custituisce a sola istituzione eletta capace à ripresentà a Corsica, mi pare di primura d’avè stu scambiu publicu da chè n’avessimu risposte nant’à tanti inghjochi maiò sempre ammaestrati per avà da u Statu è chè no vulemu cunnosce di modu precisu, ma chè no vulemu dinù, dumane, pudè ammaestrà direttamente.
In stu quadru m’hè parsu utule di cunsultà a vostra assemblea è di fà parte di a vostra cuntribuzione u ghjornu ch’ella venerà a Prefetta.
Secondu cartulare trattatu oghje, u pianu di l’esecutivu nant’à a gestione di e rumenzule. Aviamu previstu di prisentà vi stu pianu è di cuntrastà ne l’11 d’ottobre ma, a sapete, ùn avemu pussutu urganizà sta reunione. Francescu Sargentini, u Presidente di l’uffiziu di l’ambiente di a Corsica, serà dunque presente oghje da parlà ne cù voi, ancu s’ellu hè statu vutatu a settimana scorsa. U sugettu hè di primura è mi pare impurtante chì ognunu capisca u modu di gestione di e rumenzule è e respunsabilità diverse di tutte l’istituzione.
Infine, oghje, parleremu di dui altri cartulari scritti da a cummissione sviluppu ecunomicu, trasportu è affari auropei : u primu cuncerna A Corsica è l’Auropa è u secondu u dispusitivu « MuviMenti ».
Per mè, sò i più impurtanti sti raporti perchè sò i vostri. Cù sti raporti, site ghjunti à u primu scopu di st’assemblea, vale à dì esse una risorsa per l’Assemblea di Corsica ben intensu ma dinù, è di manera più larga per a Corsica sana.
Avete sceltu u tema, avete riflettutu inseme, l’avete scrittu stu raportu, prisentatu, difesu... A dicia u ghjornu di a stallazione di st’Assemblea : incù l’Assemblea di Corsica, u Cunsigliu esecutivu, u Cunsigliu ecunomicu, suciale, ambientale è culturale, serà a quarta istituzione di a Corsica. Persunalamente è cum’è Presidente di l’Assemblea di Corsica, di issa sperienza nova n’aspettavu assai è sò felice di custattà, dipoi guasi dui anni è torna una volta oghje, a qualità di e vostre pruduzzione, u vostru travagliu seriu seriu è u vostru impegnu in st’assemblea.
Tengu à felicità vi è à incurasgì tutte e vostre dimarchje chì rinfurzaranu a nostra istituzione è a nostra isula.
À ringrazià vi.
Un puntu d’infurmazione : ùn ne parleremu micca oghje ma ci tocca à pensà à prossima mandatura di l’Assemblea di a giuventù. A sapete, à u mese d’aprile si compierà sta prima mandatura è a seconda principierà. Mi pare impurtante di priparà la oghje è di travaglià ci inseme in lu quadru di a cunferenza di i presidenti. L’Assemblea di a giuventù hè vostra è a vostra sperienza è u vostru parè sò preziosi assai per noi. Vi prupongu dunque una prima reunione u 19 di nuvembre.
Per principià, à nome di st’assemblea, dui ghjorni dopu à u passagiu di Adrian, vogliu addirizzà i nostri ringraziamenti è e nostre felicitazione à tutti i servizii di succorsu chì anu travagliatu durante à timpesta. Grazie à elli, i disguasti ùn sò guasi chè materiali.
Vogliu salutà dinù u travagliu di i giurnalisti nanzu, durante è dopu u tempurale è quellu di i servizii di a nostra cullettività per infurmà è assicurà, frà altru, a securità nant’à e strade.
Seraghju cortu chì l’ordine di u ghjornu hè riccu assai. Ma ghjustu qualchì parolla pè vultà nant’à i sugetti di sta sessione.
U scontru à vene cù a Prefetta prima.
A sapete, m’hè parsu interessante di dumandà à a Prefetta di Corsica di vene in l’emiciculu à presentà à l’eletti un resu contu di l’azzione di i so servizii. Stu resu contu hè privistu ind’è a lege ma, postu chì l’Assemblea custituisce a sola istituzione eletta capace à ripresentà a Corsica, mi pare di primura d’avè stu scambiu publicu da chè n’avessimu risposte nant’à tanti inghjochi maiò sempre ammaestrati per avà da u Statu è chè no vulemu cunnosce di modu precisu, ma chè no vulemu dinù, dumane, pudè ammaestrà direttamente.
In stu quadru m’hè parsu utule di cunsultà a vostra assemblea è di fà parte di a vostra cuntribuzione u ghjornu ch’ella venerà a Prefetta.
Secondu cartulare trattatu oghje, u pianu di l’esecutivu nant’à a gestione di e rumenzule. Aviamu previstu di prisentà vi stu pianu è di cuntrastà ne l’11 d’ottobre ma, a sapete, ùn avemu pussutu urganizà sta reunione. Francescu Sargentini, u Presidente di l’uffiziu di l’ambiente di a Corsica, serà dunque presente oghje da parlà ne cù voi, ancu s’ellu hè statu vutatu a settimana scorsa. U sugettu hè di primura è mi pare impurtante chì ognunu capisca u modu di gestione di e rumenzule è e respunsabilità diverse di tutte l’istituzione.
Infine, oghje, parleremu di dui altri cartulari scritti da a cummissione sviluppu ecunomicu, trasportu è affari auropei : u primu cuncerna A Corsica è l’Auropa è u secondu u dispusitivu « MuviMenti ».
Per mè, sò i più impurtanti sti raporti perchè sò i vostri. Cù sti raporti, site ghjunti à u primu scopu di st’assemblea, vale à dì esse una risorsa per l’Assemblea di Corsica ben intensu ma dinù, è di manera più larga per a Corsica sana.
Avete sceltu u tema, avete riflettutu inseme, l’avete scrittu stu raportu, prisentatu, difesu... A dicia u ghjornu di a stallazione di st’Assemblea : incù l’Assemblea di Corsica, u Cunsigliu esecutivu, u Cunsigliu ecunomicu, suciale, ambientale è culturale, serà a quarta istituzione di a Corsica. Persunalamente è cum’è Presidente di l’Assemblea di Corsica, di issa sperienza nova n’aspettavu assai è sò felice di custattà, dipoi guasi dui anni è torna una volta oghje, a qualità di e vostre pruduzzione, u vostru travagliu seriu seriu è u vostru impegnu in st’assemblea.
Tengu à felicità vi è à incurasgì tutte e vostre dimarchje chì rinfurzaranu a nostra istituzione è a nostra isula.
À ringrazià vi.
Un puntu d’infurmazione : ùn ne parleremu micca oghje ma ci tocca à pensà à prossima mandatura di l’Assemblea di a giuventù. A sapete, à u mese d’aprile si compierà sta prima mandatura è a seconda principierà. Mi pare impurtante di priparà la oghje è di travaglià ci inseme in lu quadru di a cunferenza di i presidenti. L’Assemblea di a giuventù hè vostra è a vostra sperienza è u vostru parè sò preziosi assai per noi. Vi prupongu dunque una prima reunione u 19 di nuvembre.
