Cinéma en langue Corse avec l'Association Fiura Mossa : « U cantu di u mare »
Mercredi 6 Novembre – 14h
Spaziu Culturale Carlu Rocchi - Biguglia

Ben, un zitellu di 9 anni, campa cù a so surelluccia Marina è cù u so babbu Conor in un fanale postu in cima d’un isulottu irlandese. A so mamma Bruna hè smarita 6 anni fà di manera misteriosa à tempu ch’ella nascia Marina. Impenserita per i so figliulini, a so mammone i si porta un ghjornu di forza à campà cun ella in cità. Ben hà da scopre tandu l’esistenza d’esseri fatati minacciati da Macca, a Strega à i Ciocci. Scuprerà dinù chì a so surelluccia hè una Selchì, vale à dì una fata di u mare chì si pò fà vechju marinu à tempu ch’ella si mette u so mantellu magicu. U cantu armuniosu di a Selchì pudendu salvà l’esseri fatati da a strega, cumencia tandu un viaghju miraculosu per i dui zitelli...

Gratuit

Plus d'infos sur le site.