Concert de l’Arcusgi
Jeudi 22 Septembre - 20H30
Université de Corse / Campus Grimaldi - Corte

Dopu à più di trent’anni di cantu, u gruppu l’Arcusgi seguita sempre u so chjassu musicale è militente. Hè natu in l’annate 1980 in u circondu bastiacciu da amichi incù listesse idee è passione. Pigliendu u so nome da l’arcusgi di i suldati di Pasquale Paoli, à chì i musicanti anu dedicatu un dischettu in u 2005, stu gruppu si definisce cum’è puliticu è militente. Spiratu è sempre in leia cù u Riacquistu, u so scopu hè a difesa di a so cultura, di a so lingua, di a so identità.
Di più, l’Arcusgi apre e so rivendicazione à u Mediterraniu è al’di là, difendendu a lotta di i populi minuratarii per a so emancipazione è u so dirittu naziunale. Cusì ritruvemu canzone in lingua corsa incruciate d’altre lingue ; per un dettu, a canzona tracunnisciuta Askatasunera.

Plus d'infos sur le site.