Cuncertu : Barbara Furtuna
Jeudi 27 Janvier - 18H30
CCU Spaziu Natale Luciani - Corte

Natu più di quindeci anni fà in u Nebbiu, Barbara Furtuna hè unu di i gruppi i più famosi di Corsica. Hè cumpostu da Jean-Philippe Guissani, Maxime Merlandi, Fabrice Andreani è André Dominici. Mischjendu pulifunie tradiziunale è creazione, hà un culore musicale chì hè propiu à ellu, unicu. Ci pruponenu una musica travagliata assai, sublimata, spirata da a tradizione corsa, una musica sempre aperta à u fora, à l’altrò... Incù 1200 cuncerti pruposti sin’à avà in u mondu sanu, a nomina di Barbara Furtuna hà francatu e cunfine di a so isulella è ancu di u Mediterraniu. Hà fattu cullaburazione incù parechje furmazione musicale, cum’è l’inseme baroccu L’Arpeggiata o u tenore Placido Domingo. Da a Corsica sin’à e Meriche è l’Asia, u gruppu si ghjova di musica è di lingua corsa da purtà un messagiu di tullerenza, in un spiritu d’universalità…