Rencontre : A risa in bocca à e donne
Mercredi 5 février à 10h00
CCU Spaziu Natale Luciani - Corti

Sò l’erede di generazione di donne chì nanzu à elle sapianu manighjà a magagna. Facenu seguita à ste puetesse impruvisatore di canti d’elezzione o altri, di ste ghjucatore di China nantu à e piazze o in carrughju cù e so spressione da fà sbillicà tutt’ognunu, di ste capifulaghje chì sapianu fà ride o cummove à l’occasione di veghje, spaziu predilettu di a cunvivialità paisana. A risa in Corsica si cunghjugheghja dinù à u feminile è si spanna oghje in tante forme.
L’anni di u Riacquistu anu vistu nasce una generazione di talenti, oghje persunalità nove s’imponenu in stu duminiu. Demu un ochjata à ste donne chì scumpartenu a risa quì, in corsu, in francese o aduprendu e duie lingue in i so spettaculi.

Plus d'infos sur le site.