U Cunsigliu esecutivu di Corsica, adunitu u 28 di lugliu di u 2020, presidendu Gilles Simeoni, hà esaminatu è validatu parechji raporti rilativi à u sustegnu di a Cullettività di Corsica à e cumune è à l’intercumunalità, in u quatru di u Rigulamentu di l’aiuti à prò di l’alloghju è di l’abitatu « Una casa per tutti, una casa per ognunu », aduttatu di settembre di u 2019, è di u Rigulamentu di l’aiuti à e cumune, intercumunalità è territorii « Territorii, pieve è paesi vivi », aduttatu di nuvembre di u 2019.
Da ch’ellu hè ghjuntu à e rispunsabilità, u Cunsigliu escutivu di Corsica hà incalcatu a logica d’equità è u sustegnu à l’internu di l’isula da priurità assulute, ciò chì si traduce particulare cun tassi bunificati d’intervenzione à u benefiziu di e cumune chjuche di i rughjoni campagnoli o muntagnoli.
Sò dunque state decise individualizazione nantu à i capituli bugettarii o i dispusitivi quì sottu :
Da ch’ellu hè ghjuntu à e rispunsabilità, u Cunsigliu escutivu di Corsica hà incalcatu a logica d’equità è u sustegnu à l’internu di l’isula da priurità assulute, ciò chì si traduce particulare cun tassi bunificati d’intervenzione à u benefiziu di e cumune chjuche di i rughjoni campagnoli o muntagnoli.
Sò dunque state decise individualizazione nantu à i capituli bugettarii o i dispusitivi quì sottu :
- Dutazione cinquennia è dutazione scole (202 operazione di cumune è intercumunalità di a Corsica sana) :
6 140 007 € - Fondu tempurali (4 operazione) : 138 430 €
- Fondu di sulidarità territuriale (5 operazione) : 825 788 €
- Accuncera culturale di u territoriu : 3 122 594 € (finanziamentu à 70% di un prugettu di sala di spettaculu in a A Ghisunaccia, prugettu purtatu da a Cumunità di Cumune di u Fium’Orbu Castellu, culligatu cù u finanziamentu da a Cullettività di Corsica di a scola di l’arte di Prunelli di Fium’Orbu in u quatru di a pulitica di sviluppu di l’accessu à a cultura per tutti in ogni territoriu)
- Alloghju – operazione di compre è di migliuranza di casali, acquisti fundiarii è custruzzione cù u scopu di offre alloghju lucativu cun prezzi inquatrati o aiutà l’accessu à a prupietà cun prezzi ammaistrati (31 operazione frà e quale 28 per cumune di i rughjoni campagnoli o muntagnoli) : 2 379 766 €
- Cumune furestiere - cuntribuzione anninca à u regime furestieru : 124 000 €
- Animazione di i territorii, via u centru CANOPE / offerta di serviziu polu d’animazione Alta Rocca : 30 000 €
In tuttu, u Cunsigliu esecutivu hà individualizatu issu ghjornu 12,767 585 milioni d’eurò pè e cumune è l’intercumunalità di l’isula.
L’arrestati d’attribuzione seranu firmati à u più prestu.
L’aiuti più impurtanti seranu trasmessi à a Cummissione di e Finanze per infurmazione, cunforme à u rigulamentu vutatu da l’organu deliberante.
In quantu à i particulari di l’inseme di l’aiuti, tutt’ognunu ci averà accessu alloc’à un mese nantu à u situ Internet di a Cullettività di Corsica.
