Assemblea di Corsica
Facebook
Twitter
Instagram
YouTube

Assemblea di Corsica

“Una visione cumuna, un prugettu cullettivu, una strada aperta”




Care cunsigliere, cari cunsiglieri,
Nanzu di principià a nostra seduta, vulerebbe chè no pensessimu à a ghjurnalista maltese assassinata a simana scorsa. U pluralisimu è a libertà di a stampa sò una cundizione di l’eserciziu di a demucrazia. Da isulani, da Aurupei, da difensori di a demucrazia, vi dumanderaghju d’usservà un minutu di silenziu in memoria à Daphne Caruana Galizia.  
----
In a nostra sucetà di l’infurmazione, ogni ghjornu un sciffru ci spiega cum’ellu và u mondu : trasportu, turisimu, numeru di notte, numeru d’urdinatori in casa è di telefunini in manu… A publicazione di l’ultimi sciffri di u disimpiegu è di u PIB di a Corsica ci invitanu à riflette, à analizà indicazione cuntradittorie. Attempu ch’ellu cresce u PIB di a Corsica, di manera tremenda dipoi trenta anni, crescenu dinù u disimpiegu è a precarità di manera sprupusitata.
Ci vegu omancu cinque ragiò :                                    
  • u mudellu di sviluppu chì s’hè impatrunitu di a Corsica,
  • l’assenza di presa in contu di e nostre specificità geugrafiche, demugrafiche è fisiche per via di u silenziu di u Statu in quantu à u nostru prugettu di statutu fiscale è suciale,
  • a linea antisuciale di u Presidente Macron chì pensa ch’inquadrà l’indennità di licenziu serà capace à liberà i ricrutamenti,
  • a debbulezza di i dispusitivi d’accumpagnamentu quandu omu cunosce una rumpitura scelta o patuta in a so vita
  • u cambiamentu di a funzione, di u statutu è di u nostru raportu à u travagliu per via di e cunsequenze di u disimpiegu di massa dipoi u settanta è oghje ghjornu per via di a rivuluzione tennulogica.
 
  1. U mudellu di sviluppu di a Corsica : tuttu turisimu in certi lochi, BTP è grandi magazini fora di cità cunducenu à a precarisazione d’una parte maiò di i Corsi. Avemu vistu in l’attualità l’esempiu di u cunflittu suciale ind’è Carrefour compiu eri sera. Puru u travagliu ùn para più da a puvertà, ùn permette micca di truvà un tettu à bon pattu per a so famiglia è di fà fronte à tutte e spese di u cutidianu. Vogliu salutà custì tuttu l’impegnu di l’associ è di i so benevulenti à prò di a sulidarità è di a fratellenza. Sò valori di a nostra isula chì ci tocca à sustene, puru s’è no ne simu quì per caccià a miseria è u bisognu per via di l’impegnu è di i risultati di e nostre stituzione. Averemu da quì à pocu un istituzione nova. Vogliu dì una volta di più, dopu a deliberazione di a nostra Assemblea, dopu lettura di a lege, di u so testu è di u so spiritu, chì l’Uffiziu Publicu di l’Alloghju di Corsica suttana ùn pò micca esse staccatu da l’inseme di l’azzione suciale di a futura Cullettività unita di Corsica.
  2. Per cambià di mudellu ecunomicu è suciale, ci vole à cambià e regule. Senza parlà di u falsu richjappu storicu cù u PEI, ne parleremu abbastanza oghje, l’articulu 174 di u trattatu nant’à u funziunamentu di l’Unione Aurupea ricunosce diritti à a Corsica. A seconda lege muntagna di dicembre 2016 ricunosce ancu ella diritti chì ci tocca à sbucinà in i duminii di a salute, di l’educazione, di l’istituzione, di u suciale è di l’ecunumia dinù. Ghjè in stu quadru chè n’avemu da difende u prugettu di statutu fiscale è suciale per a Corsica malgradu u silenziu di u guvernu nant’à l’affari di u nostru paese. Più girgu a nostra isula, più vecu chì i frastorni di i nostri anziani sò diventati e nostre forze, e nostre risorse. Più girgu u mondu, più vecu spuntà suluzione per i nostri lochi è a nostra ghjente. Pigliemu l’esempiu di u mare. Ci averemu da custruisce una vera strategia in i mesi à vene, ma ricuniscimu tutti ch’ellu ci arreca sciali è piacè, ecunumia è benestà. Cù e tennulugie nove ci arreca ancu l’elettricità è dumane pò esse una cuntribuzione sicura à l’indipendenza energetica di a Corsica cù pruduzzione senza emissione di diossidiu di carbone ! Sò sti passucci à cambià u nostru mudellu suciale è sucetale.
  3. A Corsica ùn hà micca cunisciutu e trenta gluriose cum’è in altrò. A so mudernisazione hè ghjunta in ritardu, certe volte troppu in furia è di manera sgalabbata. Hè tandu ch’ellu paria una riescita u mudellu francese. Quantu Corsi funu cunvinti chì ci vulia à esse francesi per via di a so putenza ? Ma stu mudellu ùn ci hè più. Hè daretu à noi. Senza andà luntanu in l’attualità, u dirittu di u travagliu cum’ellu vene à esse tramutatu sti pochi tempi da u Presidente Macron, mi pare esse un culpacciu di più, moltu più quandu ùn si dà micca tutti i mezi à i travagliadori d’esse difesi è accumpagnati longu a so vita.
  4. I giovani averanu tutti parechji impieghi in a so carriera. A sapemu. Ùn simu micca quì per difende un anzianu mudellu inventatu in altrò. Simu quì per interrugà ci nant’à a sucetà di dumane. Simu quì per purtà ci risposte ardite è nove. E rumpiture in a vita, ognunu ne pò cunosce, per via di a salute, d’una spiccatura, d’un licenziu, d’una voglia di cambià. Certe volte sò uppurtunità. Certe volte sò malanni. Credu chì durante sta corta mandatura avemu apertu spazii novi, visticatu suluzione in core à u dibattitu publicu cum’è u rivinutu di basa cù Marc de Basquiat, u dispusitivu Territoire Zéro Chômeur de Longue Durée cù l’anzianu diputatu Laurent Grandguillaume, a carta ritirata per i trasporti è chì serà messa in ballu nanzu a fine di l’annu, o puru a cartula per l’impiegu lucale. Di e rumpiture di a vita, ne vulemu fà trampulini da saltà più in sù. Pensu quì per esempiu à u micro-creditu nant’à u quale ci avemu travagliatu è chì pò aiutà a creazione d’imprese. Spergu chì a prussima Assemblea di Corsica puderà sviluppà è mette in ballu tutti sti prugetti.
  5. Quellu saltu, ognunu ne dà a so definizione persunale. Ognunu sceglie a so manera di campà. U raportu à u travagliu hà da cunosce mutazione maiò. A ci spieca Sébastien Simoni in u pre-raportu nant’à u numericu chì l’aghju cumandatu è ch’ellu m’hà rimessu u mese scorsu. Stu ducumentu, l’avemu mandatu à l’Assembla di a Ghjuventù da ch’ella s’impatrunessi di ste quistione. E tennulugie anu da strughje è da creà impieghi à buzeffu. Portanu suluzione nove cum’è u crowdfunding capace à aiutà prugetti di tutte e mamme. A rivuluzione hè daretu à noi ma e so cunsequenze suciale sò davanti. In stu cuntestu mundiale è lucale, credu chì a nostra corta mandatura hà quantunque purtatu a Corsica nant’à u caminu di u sviluppu ecunomicu. U sviluppu ùn si riduce micca à indicatori misinchi. Ghjè una visione cumuna, ghjè un prugettu cullettivu, ghjè una strada aperta.
Andemu ci inseme.
 
À ringrazià vi.
 

Chers collègues

Chers collègues,
Avant de débuter notre séance, je voudrais que nous ayons une pensée pour la journaliste maltaise assassinée la semaine dernière. Le pluralisme et la liberté de la presse sont une condition de l’exercice de la démocratie. En tant qu’insulaires, qu’Européens, que défenseurs de la démocratie, je vous invite à observer une minute de silence en mémoire de Daphne Caruana Galizia.  
----
Dans cette société de l’information, chaque jour un chiffre nous décrit l’état du monde. La publication des derniers chiffres du chômage et du PIB de la Corse nous invite à réfléchir, à analyser des indications contradictoires. En même temps que le PIB de la Corse augmente, de manière importante depuis trente ans, le chômage et la précarité augmentent aussi, de façon disproportionnée.  
J’y vois, au moins, cinq raisons :                                  
  • le modèle de développement qui s’est emparé de la Corse,
  • l’absence de prise en compte de nos spécificités géographiques, démographiques et physiques via le silence de l’Etat quant à notre projet de statut fiscal et social,
  • la ligne antisociale du Président Macron qui pense qu’encadrer les indemnités de licenciement permettra de favoriser les recrutements,
  • la faiblesse des dispositifs d’accompagnement de ceux qui rencontrent des fractures dans leur vie,
  • le changement de la fonction, du statut et de notre rapport au travail, lié au chômage de masse depuis les années 70 et aujourd’hui à la révolution technologique.
 
  1. Le modèle de développement de la Corse : tout tourisme à certains endroits, BTP et grands magasins hors des villes entrainent la précarisation d’une part importante des Corses. Prenons l’exemple dans l’actualité du conflit social de Carrefour, qui s’est terminé hier soir.  Le travail ne préserve plus de la pauvreté, ne permet plus de se loger correctement et d’assurer toutes les dépenses du quotidien. Je veux saluer à ce propos l’engagement actif des associations et de leurs bénévoles en faveur de la solidarité et de la fraternité. Ce sont des valeurs de notre île que nous devons soutenir, même si notre mission est de combattre la misère par l’engagement et les résultats de nos institutions. Nous aurons bientôt une institution nouvelle. Je veux réaffirmer, après la délibération de notre Assemblée, après lecture de la loi, de son texte et de son esprit, que l’Office Public de l’Habitat de Corse-du-Sud ne peut pas être déconnecté de l’ensemble de l’action sociale de la future collectivité unie de Corse.
  2. Pour changer le modèle économique et social, il faut changer les règles. Sans parler du faux rattrapage historique du PEI, nous en parlerons suffisamment dans la journée, l’article 174 du traité sur le fonctionnement de l’Union Européenne, reconnaît des droits à la Corse. La seconde loi montagne de décembre 2016 reconnaît elle aussi des droits que nous devons mettre en œuvre dans les domaines de la santé, de l’éducation, des institutions, du social et de l’économie également. C’est dans ce cadre que nous avons à défendre le projet de statut fiscal et social pour la Corse, malgré le silence du gouvernement concernant notre île. Plus j’observe notre île, plus je constate que les tourments de nos anciens sont devenus nos forces, nos ressources.  Plus j’observe le monde, plus apparaissent des solutions pour notre pays et ses habitants. Prenons l’exemple de la mer. Nous aurons, dans les mois à venir, à construire une véritable stratégie car elle est source, non seulement de plaisirs, mais aussi d’économie et de bien-être. Avec les nouvelles technologies, elle peut aussi nous apporter l’électricité et demain, peut-être, être une contribution sûre à l’indépendance énergétique de la Corse par des productions sans émission de dioxyde de carbone ! Ce sont ces petites avancées cumulées qui permettront de changer notre modèle social et sociétal.
  3. La Corse n’a pas connu les trente glorieuses comme ailleurs. Sa modernisation a trop tardé et, parfois, elle s’est opérée trop rapidement, de manière très maladroite. C’est la raison pour laquelle le modèle français apparaissait comme une réussite. Combien de Corses furent convaincus qu’il fallait être français en raison de la puissance de ce pays ?  Mais ce modèle appartient au passé. L’actualité récente montre que le droit du travail est transformé par le Président Macron. C’est un nouveau mauvais coup selon moi, surtout lorsque l’on ne donne pas aux travailleurs tous les moyens d’être défendus et accompagnés tout au long de leur vie.
  4. Les jeunes occuperont plusieurs emplois pendant leur carrière. Nous le savons. Nous ne défendons pas un vieux modèle importé. Nous nous interrogeons sur la société de demain. Nous sommes là pour apporter des réponses audacieuses et nouvelles. Chacun peut rencontrer des fractures dans sa vie : une séparation, un licenciement, une volonté de changement… Ce sont parfois des opportunités. Ce sont parfois des drames. Je crois que, durant cette courte mandature, nous avons ouvert de nouveaux espaces, exploré de nouvelles solutions au cœur du débat public. Je pense au revenu de base avec Marc de Basquiat, au dispositif Territoire Zéro Chômeur de Longue Durée avec l’ancien député Laurent Grandguillaume, à la « carte retraite » pour les transports, qui sera mise en œuvre avant la fin de l’année, ou encore à la charte de l’emploi local.   Les fractures de la vie, nous voulons les transformer en tremplins pour rebondir. Je pense là, par exemple, au micro-crédit sur lequel nous avons travaillé et qui peut aider la création d’entreprises. J’espère que la future Assemblée pourra développer et mettre en œuvre tous ces projets.
  5. Chacun donne sa propre définition du changement. Chacun choisit sa façon de vivre. Le rapport au travail va connaître des mutations importantes. Dans le pré-rapport que je lui ai commandé et qu’il m’a remis le mois dernier, Sébastien Simoni l’explique.  Nous avons transmis ce document à l’Assemblea di a Giuventù afin qu’elle s’empare de ces questions. Les technologies vont détruire et créer de nombreux emplois. Elles portent des solutions nouvelles telles que le crowfunding, capable de soutenir des projets de toute nature. La révolution est derrière nous mais ses conséquences sociales sont devant. Dans ce contexte mondial et local, je pense que notre courte mandature a tout de même placé la Corse sur le chemin du développement économique. Celui-ci ne se résume pas à des indicateurs mensuels. Le développement, c’est une vision commune, c’est un projet collectif, c’est une route ouverte.
Faisons-la ensemble.
 
Je vous remercie.

Rédigé le Jeudi 26 Octobre 2017 modifié le Lundi 19 Mars 2018

              

Actualités de la Présidence | Les discours de la Présidente | Rôle de la Présidente | 2018 - 2021 | Les discours - 2018/2021 | Histoire de la présidence